Xoverdayoxanê Strasbourgî ra yew o ke seba wedaritişê tecrîdkerdişê Rayberê Şarê Kurdî Abdullah Ocalanî grevê vêşanîye de yo, Ayvaz Ece yo. Eceyî qalê vîrameyîşêkê ke pîyê xo reyde ciwîyayo kerd.
Xoverdayîşê grevê vêşanîye yê bêdem û bêagêrayîşî yê bajarê Strasbourgî yê Fransa 132 rojî yo dewan keno.
Çalakwanê grevê vêşanîye, rixmê rewşa xirabin a weşîye zî bi qerardarîye çalakîya xo dewam kenê.
Xoverdayoxanê grevê vêşanîye ra Ayvaz Eceyî kamerayanê ANF’yî rê qalê vîrameyîşêkê ke pîyê xo reyde ciwîyayo kerd.
Eceyî wina vat: “Dewa ma de wareyêkê tope bi. Seba ke kemerî zaf bî, solê linganê ma helîsîyabî ro û ma bi ê solanê kanan tope kaykerdêne. Vîrameyîşêk esto ke cara vîrê mi ra nêşono. Rojêk wexto ke ma wareyê tope de tope kay kenê, pîyê mi û zamayê ma bi peyatîye dewêka bîne ra ameyî dewa ma. Tabî ma zî yewbînan ra xeylî dûrî bî, pîyê mi vengê mi heşna, nas kerd. Wexto ke ez amaya keye, mi ra persa; ti rew ra kotî bîyî? Mi vat, ez hevalanê xo reyde şîya ma tope kay kerde. Vat, ‘o çi veng bi, ti vengê xo hevalanê xo rê kenî berz, mi vengê to teberê dewe de heşna.’ A roje ma pîya xeylî huyaybî. Ez nê vîrameyîşê xo cara xo vîr a nêkena.”
