Bajarê Les Mureauxî yê Fransa de seba vîrardişê şehîdanê têkoşînê azadîye Aysel Kaya, Hanîfî Baykûş, Seferî Dûman, Rojat Avşîn, Ridvan Karabakan û Mehmet Saît Karabakan kombîyayîşêk ame viraştene.

Sîyasetmedaro Kurd Bedrettîn Kavakî kombîyayîşî de qisey kerd û vat, ê do xeyalanê şehîdan bîyarê ca. Kavakî bale ante serê xoverdayîşê grevê vêşanîye yê seba wedaritişê tecrîdî û seba girdkerdişê têkoşînê vera faşîzmê Tirkî vang da.