Goreyê raporo ke hetê komîyonî ra ameyo amadekerdene, se ra 90-95 berhemê ke mîrasê kulturî yê Afrîka temsîl kenê teberê welatî de yê.

Endamê komîsyonî yê ke rapor amade kerdo, ekonomîsta Senegalije Felwine Saate û tarîxnasê Fransijan Benedicte Savoyî ard ziwan ke ganî bêrê îspatkerdene ke berhemî muzeyanê Fransa ra bi rayîranê qanûnî ameyê vetene, eksê ci ganî heme berhemî yê kamcîn welatan ê apey bêrê şawitene.

Serekkomarê Fransa Emmanuel Macronî par wextê serdana xo ya Bûrkîna Fasoyî de vatibi, “Ez qebûl nêkena ke mîrasê kulturkî yê xeylî welatanê Afrîka Fransa de bibê.”

Ardişê berhemanê Afrîka seba Fransa seserra 19’ine ra dest pêkeno.

Yeno pawitene ke metnê pêroyî yê raporî serê berheman roja Îne de do bêro weşanayene.

Eke Fransa berheman îade bikero, yeno pawitene ke zext DYE û Îngilîstanî ra bêro kerdene ke eynî gaman ê zî bierzê. Bi taybetî Brîtîsh Museum de xeylî berhemê muhîmî yê tarîxê Afrîka estê.