Paytextê Almanya Berlin de bi hezaran kesê ke bi slogana ''PKKVerbot Aufheben - Qedexeyê PKKyî wedarê'' meydanê Hermannpaltzî de ameyî têhet.

Almanya de 28 serrî yo qedexeyê vera PKKyî yeno domnayene. Bi wesîleya serrgêra ronayîşê PKKyî bajaranê cîya cîyayan ê Almanya ra kurdan û dostanê înan  verê xo da paytext Berlin. Badê rêzgirewtişê semedê şehîdanê têkoşînê azadîye rayraşîyîşî dest pêkerd. Çalakîkeran bi slogan ''PKK şar o, şar tîya de yo'' û ''Biciwîyo Serek Apo'' qedexe şermezar kerd. Vervatoxê Înîsîyatîfê ''PKK-Verbot Aufheben- Qedexeyê PKKyî wedarê'' Ulrich Weberî qedexeyê PKKyî sey eybê Almanya name kerd û vat ganî cade bêro wedaritene. Badê Rayraşîyîşî do Meydanê Oranienplatzî de mîtîng bêro kerdene.

Women Defen Rojawan mîtîng de pare kerd ke qanûno 129b yo ke sebebê qedexekerdişê PKKyî yo vera çepgîran zî yeno caardene û waşt qedexe cade bêro wedaritene. Eşkerayîya bi nameyê Roten Hilfe û Azadî e. Vyî de zî ame waştene ke tepişteyê sîyasî yê ke bi bahaneya qedexeyê vera PKKyî Almanya de tepişîyayî wa vera bidîyê.

Hemsereka KON-MEDî Zubeyde Zumrut mîtîng de eşkera kerd ke ewro pêro dinya qala PKKyî kena û vat: ''PKK temsîlkaro meşrû yê kurdan o. Eke dewletê Ewropa wazenê meseleya kurdan çareser biba wa qedexeyê vera PKKyî wedarnê.''

Hemsereka KON-MEDî Engîn Severî vat: ''Herinda qedexekerdişî de ganî welatê Ewropa PKKyî rê sipas bikerê ke PKKyî dinya belaya DAÎŞî ra xilasnaya. Ganî tecrîdê vera Ocalanî wedarîyo û tede dîyalogî dest pêbikerê.''

Nameyê Komîteya Amadekare ser o Hemserekê Nav-Berlinî Huseyîn Yilmazî qisey kerd û îfade kerd ke PKK rûmet, keramet û namusê kurdan o û vat: ''Rayber Apoyî, gerîlayan, embazanê zîndanan kurdî gandar kerdî.''

Girseyî rixmê varan û provakasyonî zî mîtîngê xo kerd.