Grevê vêşanîye yê vernîya Parlamentoya Ewropa (PE) roja 4’ine  de dewam keno. Çalakîya ewro de bi wesîleya Hewteyê Qehremanîye Mashûm Korkmaz  (Egîd) zî ame yadkerdene.

Komîteya Cinîyan ê Parlamentoya Ewropa ra parlamentera Îrlandayije Martîna Andersone û Femînîsta Îtalyanije Eleonara Forenza çalakwanê grevê vêşanîye yê vernîya Parlamentoya Ewropa zîyaret kerdî û mesajê paştdayîşî dayî.

Andersone: Ez bêvengîya Ewropa şermezar kena

Andersone wina va: ‘‘Ma şima zaf hole fam kenê û paşt danê nê şarî û nê xoverdayîşî. Ez semedê paştdayîşî 3 hewteyî cuwa ver şîya zîyaretê Leyla Guvene. Ez zana ke girevê vêşanîye qey yenê viraştene û  biheq ê. 11 embazanê ma zî grevanê vêşanîye de cuya xo vîndî kerde. Ez bi nê hîsî şîya cayê Guvene.  Ez paşt dana mucadeleyê şima û bêvengîya Ewropa şermezar kena.‘‘

Forenza: Ma şima ra zaf çî musayî

Femînîsta Îtalyanije Eleonara Forenza zî nê vatî:‘‘ Ma konferdaralîzmî şima ra musayî. Coka ma cinîyê femînîstî  naye şima rê deyndarê. Di hewte cuwaver mi pa Dîlek Ocalane kombîyayîşê çapemenî viraşt. Ez serede dezgehê Ewropa bêvengîya vera grevê vêşanîye şermezar kena.‘‘