Kurdistanijê ke bajarê Marsîlya yê Fransa de ciwîyenê, seba protestokerdişê tecrîdê girankerdeyî yê serê Rayberê Şarê Kurdî Abdullah Ocalanî û paştdayîş bidê xoverdayoxanê grevê vêşanîye mîtîngêk viraşt.

Bi seyan kesî Meydanê Canebîereyî de ameyî têhet û sloganê “Biciwîyo Serek Apo” û “Şehîdî Nêmirenê” qîrîyayî. Meydan de posterê Ocalanî û alayê PKK û KCK’yî ameyî akerdene. Mîtîng de bi ziwanê Kurdkî û Franskî qiseykerdişî ameyî kerdene. Qiseykerdişan de ame vetene ke menga Adare seba Kurdan menga xoverdayîşî ya.