Çalakîya roniştişî ya ke semedê azadîya Rayberê Şarê Kurdî Abdullah Ocalanî çarçewa Hemleya 'Tecrîd, faşîzm û îşxalî rê bes o; wext wextê azadîye yo' de verê Ofîsê Neteweyanê Yewbîyayeyan (NY) yê Cenevre de 25ê çeleyî de ameye destpêkerdene, dewam kena.

Çalakîya ke her roja çarşemeyî yena kerdene de derheqê tecrîd û felsefeya Abdullah Ocalanî de zanayîş yeno dayene û dezgehanê Ewropa ra yeno waştene ke wa vera polîtîkaya qirkere ya Tirkîya vengê xo berz bikerê. Hemserekê Merkezê Komelê Demokratîkî yê Kurdan ê Cenevre Salîh Saglamî ke çalakîye de qisey kerd vat: ''Kampa Multecîyan a Mexmûrî ke binê çimdarîya NYyî de ya sîvîlî yenê qetilkerdene la NY vera nayî bêveng o. Dewleta tirke pê paştdayîşê Ewropa û NYî  hêrişê îşxalî û qirkerdişan kena. Ma wayîrê xoverdayîşê gerîlayan û zîndanan vejîyenê û vera tecrîd û hêrişanê qirkerdişî her cayî do biaçarnê warê xoverdayîşî.''