Bajarê Creîlî yê Fransa de, Bellîzona ya Tîcîno ya Kantona Îtalya ya Swîsî de û bajarê Înnsbrûckî yê Awûstûrya de tecrîdê girankerdeyî yê serê Rayberê Şarê Kurdî Abdullah Ocalanî bi çalakîyêk ame protestokerdene.
Hetê Merkezê Cimatê Kurdan ê Demokratîkî ra bajarê Creîlî yê Fransa de sûka Creîlî de girse ame têhet, vilawekî wendî û vila kerdî. Çalakîye de posterê Leyla Guvene ame akerdene û girseyî bi mîtîngêk çalakîya xo qedênaye.
Bellîzona
Bajarê Bellîzona yê Swîsî de zî çalakîyêka bêvenge ame kerdene. Çalakîye de posterê Ocalanî ameyî akerdene, ciwanan çalakîyêk bêvenge viraşte. Ciwanan vilawekî kerdî vila û çalakîya xo nêzdîyê saetêk dewam kerde.
Înnsbruck
Bajarê Înnsbrûckî yo ke girêdayîyê eyaletê Tîrolî yê Awûstûrya yo de seba ke bale biancê serê grevê vêşanîye konêk a dazanayîşî ameye akerdene.
Kona ke serê rayîrê Marîa-Theresîenî de ameya akerdene, çalakîye bi serkêşîya Merkezê Cimatê Kurdan ê Demokratîkî yê Înnsbrûckî ameye viraştene. Çalakîye de derheqê waştişanê xoverdayoxanê grevê vêşanîye de vilawekî ameyî vilakerdene.
