Roniştişo verên ê dewaya ke vera xîretê suîkastî yê serê Hemserekê KONGRA-GELî Remzî Kartal û Endamê Konseya Rayberdişî ya KCKyî Zubeyr Aydarî ameye akerdene 1ê teşrîna verêne (ewro) ame kerdene.

Roniştiş de ke Mehkemeya Ceza ya Brukselî de ame kerdene, di terefan zî wext waşt. Roniştiş ame taloqkerdene.

Avûkatê hetê kurdan Jan Fermonî vat: ''Na çarçewe de bi taybetî argumanê nuştekî do bêrê girewtene.''

Roniştiş taloqê 11ê adare ame kerdene. La menga teşrîna peyêne de pawitişî do dest pêbikerê.

Fermonî bi taybetî bale ante tewirê dozgerî ser û vat: ''Dozger destpêkî ra nata îdîa keno ke delîlê qîmî çin ê. Mehkeme zî qebul kerd ke îdîayê dozgerî raşt nîyê.''

Fermonî qirkerdişê 3 cinîyan ê kurdan ê Parisî vist vîrî û vat: ''Ma Fransa de dî ke nê dewayan de netîcegirewtiş zehmet o. Ma hêvîdar ê ke Belçîka do heman tewirî nêmojna.''