Parîya Çepe ya Almanya ( Dîe Lînke) verê weçînayîşê 26’ê Gulane yê parlamento û şaredarîye, bajarê Bremenî yê Almanya de  kongreya hadreyîye vireşte. Namzedê partî yê Meclîsê Federalî Mazlûm Koçî semedê grevê vêşanîye yê bêdem û bêagêrayîşê ke dewam kenê,  peşnîyaz da.

Mazlûm Koç o ke îdareyê Partîya Çepe ya Bremen de ca gêno, kongre de bale ante tecrîdê serê Rayberê şarê Kurdî Abdullah Ocalanî û derheqê grevê vêşanîye de zanayîş da. Koç o ke pîyê ci Yuksel Koç zî Strasbourg de grevê vêşanîye de yo, waşt ke paştî bideyo xoverdayoxanê gervê vêşanîye. Peşnîyazê Koçî kongre de ame qebûlkerdene.

Kongreya ke hemserekê Eyeletê Bremenî Felîx Pîthan û Conny Barthe zî tewrê ci bîyî, beyanameyê peynî de derheqê grevê vêşanîye de nê ame vatene: ‘‘Waştişê xoverdayoxanê grevê vêşanîye yê  ke semedê şiktişê tecrîdî  rayberîya Leyla Guvene de ameyî destpêkerdene, waştişê ma yê zî. Rewşa weşîya xoverdayoxan kewta sewîyeya kritîke. Ma sey Partîya Çepe semedê wedarnayişê  tecrîdî do tê bigêrê.Tecrîdê  serê Birêz Abdullah Ocalana û heme tepişteyanê sîyasîyan  binpaykerdişê azadîya heq û merdimî yo. Reyna parlamenterê HDP’yî, hemşaredarî û heme tepişteyê sîyasîyî yê ke bîlaheq yenê tepiştene ganî cade serbest bêrî veradayene.‘‘