Yûsûf Îba bajarê Toronto yê Kanada de 81 rojî yo vera tecrîdî xo ver ro dano. Domanê Kurdan ê Kanada seba ke bale biancê serê grevê vêşanîye yê Îbayî, mektubêk parlamentoyê Kanada rê nuşte û vengdayîşê paştdayîşî kerd.

Mektuba domanan bi sernameyê “Wa Yûsûf Îba nêmiro, wa biciwîyo” ameye nuştene.

Mektube bi ziwananê Îngîlîzkî û Franskî ameye nuştene, parlamentoyî rê ameye şawitene û înan ra ame waştene ke goş bidê çalakîya Îbayî ser.

30 domanî Merkezê Şarê Kurdan ê Torontoyî de ameyî têhet û bi ziwananê Kurdkî, Tirkî, Franskî û Îngîlîzkî peyamê “Wa waştişê Yûsûf Îbayî bêrê qebûlkerdene, tecrîd biqedîyo û Îba biciwîyo” da.