Grevê vêşanîye yê ke rayberîya Leyla Guvene de dest pêkerd û zîndananê Kurdistan û Tirkîya û xeylî cayanê dinya de vila bîyî, înan rê paştdayîşî zêdîyene. Aktîvîstê Almanî no hewte dest bi kampanyaya aliqnayîşê aşîfan kerde.

Kampanya hetê Têgêrayîşo Femînîst (Ma pîya mucadele bikerê) û Tatort Kurdistan ( cayê qewimîyayîşî Kurdistan) yo ke xeylî wexto ke seba ke bale binaco serê şerê Kurdistan xebatanê xo domneno, ra yena oragenîzekerdene. Aktîvîstî bi na kampanya bale ancenê serê 7 hezar tepişteyanê ke zîndanan de grevê vêşanîye de yê û rewşa înan a krîtîke.

Organîzatoranê Kampanya ra Ella Bremere derheqê kampanya de ANF’yî rê qisey kerd. Bremere da zanayene ke bi taybetî bajaranê sey Berlîn, Hamburg, Leipzîg, Koln, Frankfurt û Munihî de pankartî do berê aliqnayene û va:‘‘ Eke şima wazenê vengê xoverdayoxan bidê eşnawitene ewro afîşê xo cayêk de dard bikerê. Ça beno wa bo, tena wa bero vînayene her ca de aşîfê xo bialiqnê. Bi na kampanya ma wazenê ke vengê xoverdayoxan hukmatê Almanya û CPT rê bidê eşnawitene.‘‘

Bremere waşt ke mekteb, keye, cayê karî, wesayît, bisîklet, dar, yega ça beno wa bibo wa her kes yew afîş bialiqno û bale bianco serê grevê vêşanîye û fotografê ci binaco û medyaya sosyale ser a pare bikero û vat ke  kam ke biwazo eşkeno fotografanê xo nê adresan ser o ma rê bişawo:

Signal / Whatsapp / Telegram: +49 177 138 0767
E-mail: [email protected]
Twitter / Instagram: #7000gegenIsolation