Parlamentera Partîya Çepe Amîneh Kakabavehe naye ra yew menge ver yew pêşnîyazname dabi û waştbî ke tecrîdê serê Rayberê Şarê Kurdî Abdullah Ocalanî, çalakîyê grevê vêşanîye yê ke seba wedaritişê tecrîdî yenê kerdene, rewşa rayîrberanê HDP’yî û akademîsyenê ke ameyê girewtene parlamento de bêrê munaqeşekerdene.

Kakabavehe pêşnîyaznameyê xo de bale antbî derbeya 15’ê Temmuze ser û vatbî Tirkîya bi polîtîkayanê hêrişkarîye têgêrena û kena ke Tirkîya û Rojawan de şoro Kurdan ser.

Reyna Kakabavehe Wezîrê Karanê Teberî Margot Wallstromî ra derheqê tecrîdê serê Abdullah Ocalanî de persî kerdbî vatbî “Seba ke tecrîdê serê Abdullah Ocalanî bêro wedaritene şima do se bikerê?

Munaqeşe do ewro saet 13.00 de, Parlamentoyê Swêdî de dest pê bikero.