Ewropa de çalakîyê paştdayîşê grevê vêşanîye
Semedê baleantişê grevê vêşanîye yê ke vera tecrîdê serê Rayberê Şarê Kurdî Abdullah Ocalanî yêne viraştene, Ewropa de çalakîyî dewam kenê.
Semedê baleantişê grevê vêşanîye yê ke vera tecrîdê serê Rayberê Şarê Kurdî Abdullah Ocalanî yêne viraştene, Ewropa de çalakîyî dewam kenê.
Swîsre û Hollanda de Kurdistanijî û dostê înan ameyî têhet û bi çalakîyan paştdayîş da xoverdayoxanê grevê vêşanîye.
Bajarê Wîntherthurî yê Swîsre de Kurdistanijan bi çalakîya bêvenge bale ante tecrîdê serê Ocalanî û grevê vêşanîye sere û bêvengîya Ewropa şermezar kerde. Çalakwanan derheqê grevê vêşanîye û tecrîdî vilawekî vila kerdî û dazanayene ke semedê bicaardişê waştişê xoverdayoxan ê do çalakîyanê xo bidomnê.
Bern de zî aktîvîstanê Têgêrayîşê Ciwanan ê Şorişgêrî çalakîyêk organîze kerde. Ciwanan merkezê bajarî yo tewr sixletî de derheqê tecrîd û grevê vêşanîye de vilawekî vila kerdî.
Bajarê Amsterdamî yê Hollanda de zî tecrîdê serê Ocalanî ame şermezarkerdene û xoverdayîşê grevê vêşanîye ame silamkerdene. Kurdistanijan bi çalakîya bêvenge bale ante bêvengîya Ewropa sere.