Ewropa de çalakîyê protestokerdişê tecrîdî û paştdayîşê grevê vêşanîye dewam kenî. Vizêr reyna xeylî bajaranê Almanya, Fransa, Swêd û Awuturya de çalakîyî ameye viraştene.

Paytextê Almanya Berlîn de semedê paştdayîşê grevê vêşanîye çalakîyêk  ameye organîzekerdene. Çalakîya ke hukmatê Almanya û çapenîya ci ameyî şermezarkerdene, polîsan hêrişê ci kerd. Hemserekê NAVDEM’î yê Berlînî Yeko Ardil reaksîyon da polîsan û va, ‘‘Qet yew hêz nêeşkeno  ke Kurdan Rayber Abdullah Ocalanî ra raqilno. Rixmê heme hêrişan do çalakîye ma dewam bikerê.‘‘

Frankfut de zî bi çalakîyêk bale anciya xoverdayîşê grevê vêşanîye ser û bêvêngîya Ewropa ameye şermezarkerdeen. Çalakîya ke hetê Meclîsê Cinîyan ê Amara û  Offenbach Sara ra ameye organîzekerdene  xeylî cinîyî tewrê ci bîyî û şexsê Leyla Guvene de xoverdayoxî silam kerdî.

Drancy ê Parîsî ya Fransa de zî bi heman waştişî Kurdistanijî û dostê înan kuçeyan de bî. Çalakwanan bêvengîya Ewropa şermezar kerd û bi sloganan paştî daye xoverdayoxanê grevê vêşanîye û azadîya Ocalanî waşte.

Evry ê Parîsî de zî Kurdistanijan tecrîd protesto kerd û bale ante xoverdayîşê grevê vêşanîye ser.

Bajarê Grazî yê Awusturya de  de zî bi çalakîyêk tecrîd ame protestokerdene û şehîdê çalakîyanê fedaîyan ameyî yadkerdene. Çalakîye de derheqê grevan û tecrîdî de xeylî vilawekî ameyî vilakerdene.

Bajarê Gävle yê Swêdî  de zî semedê protestokerdişê tecrîdê serê Ocalanî  Kurdistanijî reyna kuçeyan de bî. Çalakwanan bale ante xoverdayîşê grevê vêşanîye ser û waşt ke Ewropa  vengê xo berz bikero û şarê Swêd zî seba wedartişê tecrîdî Tirkîya boykot bikero.