Ewropa de çalakîyê protestokerdişê tecrîdî
Xeylî bajaranê Ewropa de semedê protestokerdişê tecrîdê serê Rayberê Şarê Kurdî Abdullah Ocalanî çalakîyî ameyî viraştene û xoverdayîşê grevanê vêşanîye ame silamkerdene.
Xeylî bajaranê Ewropa de semedê protestokerdişê tecrîdê serê Rayberê Şarê Kurdî Abdullah Ocalanî çalakîyî ameyî viraştene û xoverdayîşê grevanê vêşanîye ame silamkerdene.
Ewropa de çalakîyê protestokerdişê tecrîdî û paştdayîşê grevê vêşanîye dewam kenê. Vizêr xeylî bajaranê Amanya, Swîsre û Fransa de çalakîyî ameye viraştene.
Stuttgart
Bajarê Stuttgartî yê Almanya de rayberîya Platformê Paştdayîşê Grevê Vêşanîye de çalakîya standê zanayîşî ameyî organîzkerdene. Çalakîye de derheqê tecrîd û grevê vêşanîye de vilawekî ameyî vilakerdene.
Hamburg
Hamburg de zî bi çalakîya rêzila merdimî bale ancîya serê grevê vêşanîye yê ke semedê wedartişê tecrîdî yenê viraştene. Çalakwanan Pankarta ‘Leyla Guvene anorê ma ya‘ akerde û bi slogananê ‘biciwîyo xoverdayîşê zîndanan‘ gîrayî. Çalakîye de semedê tewrbîyayîşê çalakîya haştîye ya 2’ê Nîsane zî vengdayîş ame kerdene.
Bonrdeaux
Bajarê Bordeauxî yê Fransa de zî bi mîtîngêk tecrîd ame şermezarkerdene û xoverdayîşê grevê vêşanîye ame silamkerdene.
Basel
Bajarê Baselî yê Swîsre de zî Platformê Paştdayîşê Grevê Vêşanîye çalakîya bêvengîye organîze kerde. Çalakwanan bi bandanê sîyayan fekê xo girewtî û bêvengîya Ewropa ya vera grevê vêşanîye û tecrîdî protesto kerde.
Delemont
Bajarê Delemontî de zî bi çalakîyêk bale anciya xoverdayoxanê grevê vêşanîye yê ke kewtê merheleya krîtîke ser. Çalakwanan bi maskeyanê xoverdayoxan derheqê grevê vêşanîye û tecrîdî de vilawekî vila kerdî.
Frîbourg
Frîbourg de zî bi heman waştişî Kurdistanijî û dostê înan kuçeyan de bî. Çalakîye de derheqê waştişê grevê vêşanîye de zanayîş ame dayene û dezgehanê Ewropa ra ame waştene ke wezîfeyê xo bica bîyarê.
Zurîh
Zurîh de zî hetê Platformê Paştdayîşê Grevê Vêşanîye ra çalakîyêk ameye organîzekerdene. Çalakwanan bi pankart û sloganan bale ante grevê vêşanîye ser û bêvengîya Ewropa şermezar kerde. Qiseykerdişan de ame vatene ke xoverdayoxî kewtê sewîyeya krîtîke û seba ke vernî merdişan bero girewtene ganî her kes wezîfeyê xo bica biyaro û çîyêk bikero.