Ewropa de çalakîyê protestokerdişê tecrîdî
Xeylî bajaranê Ewropa de semedê protestokerdişê tecrîdê serê Rayberê Şarê Kurdî Abdullah Ocalanî çalakîyî ameyî viraştene û xoverdayîşê grevanê vêşanîye ame silamkerdene.
Ewropa de çalakîyê protestokerdişê tecrîdî û paştdayîşê grevê vêşanîye dewam kenî. Vizêr reyna xeylî bajaranê Ewropa de çalakîyî ameyî viraştene.
Stuttgart
Bajarê Stuttgartî yê Almanya de hetê Platformê Vera Tecrîdî Cuye ra çalakîyêk ameye organîzekerdene. Çalakwanan standêk akerd û derheqê tecrîdî de zanayîş da. Dima ra endamanê Konfedarasyonê Macîranê Bindestan ê Ewropa (AvEG-Kon) yo ke pabesteyê platformîyo, dest bi grevê vêşanîye yê di rojan kerd.
Dresden
Bajarê Dresdenî yê Almanya de zî semedê baleatişê serê grevê vêşanîye standêk ame akedene. Çalakwanan xeylî vilawekî vila kerdî û bêvengîya Ewropa şermezar kerde.
Lavrion
Bajarê Lavrionî yê Yunanîstanî de zî bi heman waştişî Kurdistanijî kuçeyan de bî. Çalakwanan standêk akerd û derheqê tecrîdê serê Rayber Şarê Kurdî Abdulah Oclanî û grevê vêşanîye yê ke rayberîya Leyla Guvene de yenê viraştene de zanayîş da.
