Bajarê Cenevre û Baselî yê Swîsre, paytextê Awusturya Vîyana, bajarê Den Haagî yê Hollanda û bajarê Stuttgartî yê Almanya de semedê baleantişê serê grevê vêşanîye çalakîyî ameyî viraştene.

Basel

Bajarê Baselî yê Swîsre de Platformê Paştdayîşê Grevê Vêşanîye  rayraşîyayîşêk organîze kerd. Çalakwanî meydano ke parlamento tede yo de ameyî têhet û bi sloganan û pankartan bale ante serê grevê vêşanîye. Rayraşîyayîşî ra dima çalakîya roniştişî ya bêvenge ameye viraştene. Bi nameye platformî veng dîya hukmat  û dezgehanê Ewropa ke berpirsîyarîya xo bica bîyarê.

Cenevre

Cenevre de zî çarçeweya kampanyaya mektuban a ke rayberîya komîsyonê kulturî de ameya destpêkerdene de Kurdistanijan dezgehanê mîyanneteweyîye yê ke Cenevre de yê rê mektubî şawitî û bale ante serê  rewşa xoverdayoxan.

Vîyana

Paytextê Awusturya Vîyana de zî bi standêk derheqê tecrîd û grevê vêşanîye de zanayîş ame dayene. Çalakwananê ke onlugê ’Bêvengîye mirnena‘, ‘7000 kesî grevê vêşanîye de yê bêveng memanê‘ dayê xo ra rayapêroyî, hukmat û rêxistinanê cimatî yê sivîlan ra waşt ke bêveng menanê.  Çalakîye de xeylî vilawekî ameyî vilakerdene.

Den Haag

Bajarê Den Haagî yê Hollanda de zî vernîya parlamento de çalakîyêk ameye viraştene. Çalakwanan tecrîd û bêvengîya Ewropa şermezar kerdî û grevê vêşanîye silam kerdî.

Stuttgart

Bajarê Stuttgartî yê Almanya de zî Kurdistanijî meydanan de bî. Çalakîye de bêvengîya Ewropa ameye şermezarkerdene û ame vatene ke halê xoverdayoxan merheleya krîtîke ra zî ravêrto û ganî cade çîyêk bêro kerdene.