Bajarê Hannover, Ausburg, Helbrionn û Bonnî yê Almanya û bajarê Den Haagî yê Hollanda de hêrişê îşxalî yê Başûrê Kurdîstanî û tecrîdê serê Rayberê Şarê Kurdî Abdullah Ocalanî bi çalakîyan ameyî şermezarkerdene.

Çalakîye ke çarçeweya tedbîranê vera Korona de ameyî kerdene  bale ameye antene hêrişê vera warê Zînî Wertê yê Başûrî Kurdîstanî ser û artêşa tirke û PDKyo ke paştî dano dişmenê kurdan ameyî şermezarkerdene. Çalakîyan de dîya vîrardene ke Rayberê Şarê Kurdî Abdullah Ocalan û tepişteyanê bînan ê ke îmrali de yê ra xebare nîna girewtene û ame vatene ke rîyê Korona ra ê binê rîskê girdî de yo. Çalakwanan ke bi pankart û sloganan mesajê girdkerdişê têkoşî dayî waşt ke wa de pêvînayîş Îmralî bêro kerdene û PDKyî ra waşt ke wa plananê îşxalî yê artêşa tirke rê mexapîyo.