Nobeta Azadîye  ya ke semedê azadîya fîzîkîye ya Rayberê Şarê Kurdî Abdullah Ocalanî  25ê hezîrana 2012yî de bajarê Strasbourgî yê Fransa de dîyaye destpêkerdene hewteyê 569. de dewam kena.

No hewte endamanê Dezgehê Keyeyanê Şehîdan (KOMAW) Xanê Yildiz, Selamet Mat, Selîm Oltan û Mehmet Şîrîn Akbaş nobete dewr girewte. 

Dadîya şehîdî Xanê Yildiz nameyê kome ser o qisey kerd û hêrsê xo yê vera tecrîdê Îmraliyî ard ziwan. Dayîke Xanê vat: ''Ma soz da Rayber Apoyî ke rayîrê şehîdan ra anêgêrê. Ez bi taybetî Rayber Apoyî rê selam kena. Ma venga pêro dinya danê ke ma Rayberê xo wazenê. 2 serrî yo ne keyeyê ci ne zî avûkatê ci eşkenê ey ra xebere bigêrê. Ez kewta 80 serre. Ez biba 100 serre zî seba Rayberê xo do bêra tîya. Ma Serek Apoyî wazenê. Êdî tehamulê ma nêmendo.''

Dayîke Yildiz da zanayene ke zîndanî pê ewladanê înan dekerde yê û vat: ''Dadîyê ma, kênayê ma, camêrdê ma tepişte  yê. Her kes vera  ney bêveng o. Ez venga pêro dewletanê mîyanneteweyîyan dana ke xo kor û kerr nêkerê. Hînî bes o, ma bivînê! Ma rêçê Rayberê xo û şehîdanê xo de yê. Bijî Serok Apo.''