Festîvala Spor û Kulturî ya Hasan Kizilerî ya ke her serre Swîsre de yena  viraştene emser do 18’ê Gulane de bajarê Solothurnî yê Swîsre de bêro viraştene. Komîteya Hadreyîye ya Festîvalî semedê tewrbîyayîşê festîvalî veng da.

Festîvala ke do bi şîarê “Ma tecrîdî biqedînê, faşîzmî birijnê û Kurdistanî azad bikerê’ bêro viraştene, hunermendê sey Çetîn Oraner, Serhat Çarnawa, Medî, Seyda Perînçek, Yûnûs Pîran tewrê ci bîbê.

Hasan Kiziler (Mazlûm) o ke Roja Ciwan/Stêrka Ciwan û rojnameyê Berxwedanî de xabitîya serra 1995’î de tewrê sefanê PKK’yî bi. Hema gerîlayê yew mengî bi ke hêrişê artêşa Tirkî yê vera Xekurkê de bi 7 embazanê xo ya pîya şehîd bi.