Wezîra Hêzanê Çekdaran a Fransa Florence Parlye kanalê BFMTV’î rê qisey kerd û vat, ê nêwazenê ke çeteyê DAÎŞ’î yê hemwelatijê Fransa apey bigîrê.

Parlye derheqê çeteyanê DAÎŞ’î yê ke Sûrîye û Iraq de ameye tepîştenede vat, “Na babete de tewirê Fransa eşkera yo. Tu nîyetê ma çin o ke nê şerwanan bigê welat. Ganî cayo ke sûc kerdo de bêrê muhakemekerdene û hesab bidê.”

Wezîra Hêzanê Çekdaran a Fransa Florence Parlye da zanayene ke mîyanê bi hezaran çeteyanê DAÎŞ’î yê ke hetê QSD’yî ra ameye tepîştene de hemwelatijê Fransa zî estê û vat:’’ Hetê ma ra tewr perse çin a ke ê uca nêmanê. Uca de tepîşte yê. Mîyanê çar dêsan de yê û ganî uca de bimanê. DAÎŞ’ijî bi şaşîye nêşî Sûrîye û Iraq. Bi zerrîya xo şîyî uca. Yanî cayo ke înan xirabîye kerda, sûc kerdo û şahîdê nê bîyayîşan zî estê de ganî hesab biderê.”