Pawitoxê heqanê merdiman Anjuska Weil û Jochi Weil ard ziwan ke ganî semedê azadîya Rayberê Şarê Kurdî Abdullah Ocalanî paştîdayîşê mîyanneteweyî bêro xurtkerdene.

Anjuska Weil vist vîrî ke semedê azadîya Nelson Mandela her hetê dinya de paştdayîşo xurt ame ramojnayene û vat: ''Ganî ewro bi eynî qerardarîye semedê azadîya Abdullah Ocalanî yo ke 22 serrî yo binê tecrîdê giranî de yo têkoşîn bêro kerdene. Senî ke Mandela semedê şarê Afrîka 'Madiba' yo, Abdullah Ocalan zî 'Apo' yê kurdan o. Semedê azadîya ci paştdayîşê mîyanneteweyî hewce keno.''

Jochi Weil yo ke Unîversîteya  St Gallenî de derheqê huqûqê ceza de gurîyeno û tecrîd û îzolasyonî ser o cigêrayîşan keno, ard ziwan ke û xeylêk wexto ke têkoşînê azadîye yê kurdan ra hayîdar o. Jochi Weil bale ante kitabanê ke Ocalanî şertanê zehmetan ê tecrîdî nuştî ser û vat: Nê kitaban mi ser o zaf tesîr kerd. Azadîya Ocalanî eslê xo de azadîya kurdan a. Abdullah Ocalano ke hetê kurdan û şaranê herême ra sey rayberêkê pîlî yeno vînayene ganî bibo azad. Ez zî  sey dostêkê kurdan azadîya Ocalanî wazena.''