Bajarê Fransa Strasbourgî de grevê vêşanîye yê panc rojan ke vernîya PE de yena viraştene vizêr bi wesîleya Hewteyê Qehremanîye  Mahsûm Korkmaz (Egîd) zî ame yadkerdene. 

Çalakîye de dengbêjanê cinîyan semedê Leyla Guven a ke 143 rojî yo grevê vêşanîye de ya deyîrî vatî. Ciwanan zî bi kayê tîyatroyî mesajê dayî. Dayîkî bi warkerdişê hesran ewnîyayî kayê ciwanan ra û dima dayîkan bi çalakîya rezila cuya bale ante ke xoverdayoxê grevê vêşanîye kewtê merhaleya krîtîke ê û waşt ke vengê înan bêro eşnawitene û tecrîd bêro wedartene.

Bado zî endama Grûba Sosyalîste ya PE Julîa Warde û endama Grûba Hewzan a PE Anna Mîranna  zî çalkawanî zîyaret kerdî û  mesajê paştdayîşî dayî. Warde ya ke Leyla Guvene zî zîyaret kerda, vat ke ez kewfweşa ke cayê şima de ya. Protesto leteyêkê cuya yo. Mîranna zî  xoverdayîşê çalakwanan silam kerd û vat ke  a her tim cayê şarê Kurdî de ya û paşt dana mucaleyê înan o biheq î.