4'ê Nîsane rojbîyayîşê Rayberê Şarê Kurdî Abdullah Ocalanî xeylî welatan de bi çalakîyanê cîyayan yeno pîrozkerdene.

Bajarê Hamburgî yê Almanya de zî gurbêkê aktîvîstan, afîş o ke ser o resimê Ocalanî û nuşteyê ‘Rojbîyayîşê to yo 70’in pîroz bo’ esto akerd.  Bi akerdiş Afîşan bale ante serê tecrîdkerdişê Rayberê Şarê Kurdî Abdullah Ocalanî. Afîşî xeylî kuçeyanê merkezê bajarê Hamburgî de ameyî akerdene.

Aktîvîstanê ke afîşî amade kerdî eşkerayîye daye û vat, “Grevê vêşanîye yê ke seba wedaritişê tecrîdkerdişê Rayberê Şarê Kurdî Abdullah Ocalanî yenê kerdene û bi hezaran kes tewrê ci bîyê, labelê vera grevanê vêşanîye bêvengîyêka girde esta. Ganî  ca de na bêvengîye bêra şiknayene û cuya çalakwananê grevê vêşanîye bêra pawitene.”