Şaristananê Hamburgî û Bonnî yê Almanya de û dostanê înan hêrişê kîmyewî yê dewleta tirke şermezar kerdî. 

Hamburg de rayberîya Meclîsê Cinîyan ê Rojbîne çalakîyêke ameye kerdene. Çalakîye de fotografê gerîlayanê ke hêrişê kîmyewî de şehîd bîyî ameyî kiriştene. Qiseykerdişan de ame vatene ke şuxilîyayîşê gazê kîmyewî sûcê merdimîye yo û Ewropa pê bêvengîya xo bena şirîka nê sûcî. Dima derheqê hêrişanê kîmyewîyan de vilawekî ameyî vilakerdene.

Bonn de zî rayberîya Komîsyonê Têkilîyanê Teberî yê Merkezê Komelê Demokratîkî de pê çalakîya rayraşîyayîşî hêrişê kîmyewî yê dewleta tirke ameyî protestokerdene û bêvengîya warê mîyanneteweyî ameye şermezarkerdene.