Parlamenteranê Partîya Sosyalîste (SP) ya Swîsre Fabian Molina û Cladia Friedl hêrişanê kîmyewîyan ê dewleta tirke ser o 2 vernîyazî dayî hukmatî.

Fabian Molinayî îfade kerd ke xeylêk xeberê weşanîyayeyî vanê ke artêşa tirke Başûrê Kurdîstanî de gazê jehrînî û çeka kîmyewîye şuxilnena û bi nê hawayî Protokolê Cenevre, Peymana Çekanê Bîyolojîkan, Peymana Çekanê Kîmyewîyan û huqûqê mîyanneteweyî binpay kena. Molinayî waşt ke Parlamentoyo Neteweyî yê Swîsre wa cewab bido nê persan:

-Swîsre hukmatê Tirkîya ra waşt ke eşkerayîye bida?

- Kamyew babete kamcîn aste de ameye nîqaşkerdene?

- Swîsre cigêrayîşêkê xoserî yê dezgehêkê mîyanneteweyî yan Rêxistina Qedexekerdişê Çekanê Kîmyewîyan rê pabeste ya?

-Gazo ke şuxilîyayo berhemê Swîsre yo?

Claudia Friedl zî vernîyazê xo de vist vîrî ke hêrişanê leşkerîyan ê Tirkîya de vera kurdan çekê kîmyewî şuxilîyenê. Friedle nê persî pers kerdî:

-Hayîya Konseya Federake pê nê sûcdarîyan esta?

-Gelo zanîyeno ke çeka kîmyewîye şuxilîyaya yan nê?

-Amade yo ke derheqê nê serebûtan de tehqîqato mîyanneteweyî biwazîyo?