Hewteyê Kulturî yo ke 4'ê Nîsane de dest pêkerdo 7'ê Nîsane de do biqedîyo.

Hewteyê Kulturî yê Kurdan ê emserî hemsereka KCD'yî û parlamentera HDP'yî ya Colemêrgî Leyla Guvene û heme xoverdayoxanê grevê vêşanîye rê ame dîyarîkerdene.

Dimeyê rayraşîyayîş o ke merkezê bajarî ra ameyo viraştene banê sendîkaya Uniayî de resepsîyonêk  ame dayene. Teba Kurdistanijan xeylî sîyasetmedar, nuştox û hunermendê Swîsre û Tirkîya zî tewrê ci bîyî. Hewteyê Kulturî yê Kurdan bi deqayêk rêzgirewtişê seba vîrardişê  Têkoşînê Azadîye yê Kurdistanî dest pêkerd. Hewteyê Kulturî de numayîşê tefî, deyîrê koma Borumbala-Trommel a Swîsre û numayîşê govende ameyî temaşekerdene.

Roja destpêkerdişî  ya hewteyê kulturî de panel ame viraştene û sîyasetmedarê Kurdan Hatîp Dîcle, parlamenterê Kantona Baselî Mûstafa Avci, Eva Herzog û Edîbe Şahîne qalê xoverdayîşê grevê vêşanîye û prosesê sîyasî kerd.