Heyetê DEM Partî û DBPyî ofîsê Qamişloyî yê Meclîsê Sûrîyeya Demokratîke (MSD) zîyaret kerd. 

Heyet  Hemserekê DBPyî Keskîn Bayindir, Endamê Komîteya Rayberdişê Merkezî ya DEM Partî Serhat Eren, Wekîlanê DEM Partî Salîha Aydenîz, Gulcane Kaçmaz û Mehmet Kamaçî ra yeno pê.

Hemsereka MSDyî Leyla Qereman, Hemserekê Ofîsê Têkilîyanê Teberî yê MSDyî Hisên Ezam, Hemserekê Ofîsê Têkilîyanê bi Şarî Hesen Mihemed û Endama Konseya Hemserekîye ya MSDyî Dîyala Henan heyet pêşwazî kerd.

Zîyaret de Konferansê Tewirê Hemparî yê Kurdan ê Rojawanî û Vengdayîşê ‘Haştîye û Komelê Demokratîkî’ yê Rayber Apoyî ameyî ercnayene.