Merkezê Îrtîbatî û Çapemenîye yê HPGyî nasnameyê hîrê şehîdanê Zapî eşkera kerdî.

Eşkerayîye wina ya:

‘’Embazê ma Abbas, Lorîne û Rawan wexto ke Herêma Şehîd Delîlî ya Rojawanê Zapî de cayê xo vurnayêne netîceya dafika dişmenî de şehîd bîyî. Ma embazanê xo Abbas, Lorîne û Rawan bi rêzî yad kenê û soz danê ke xeyalanê înan Kurdîstanê Azadî de bîyarê ca.

Ma sere de keyeyanê înan ê ercîyayeyan rê pêro şarê Kurdîstanî yê welatperwerî rê serweşîye wazenê. Ma soz danê ke armancê şehîdanê xo Kurdîstanê Azadî-Rayberîya Azade awan bikerê.

Nasnameyê şehîdanê ma wina yê:

Nameyê Qodî: Abbas Baran Name û Peyname: Yasîn Elî Cayê Bîyayîşî: Serêkaniyê Maye-Pî: Cemila – Faysal Tarîx û Cayê Şehadetî: 6ê Çeleyê 2025î / Zap

Nameyê Qodî: Lorîne Gever Name û Peyname: Sehere Komur Cayê Bîyayîşî: Colemêrg Maye-Pî: Yadîgare – Emin Tarîx û Cayê Şehadetî: 6ê Çeleyê 2025î / Zap

Nameyê Qodî: Rawan Koçer Name û Peyname: Malik Kemal Suleyman Cayê Bîyayîşî: Şam Maye-Pî: Emine – Kemal Tarîx û Cayê Şehadetî: 6ê Çeleyê 2025î / Zap

 

Embazê ma Abbas Serêkanîyê de dadîya xo ra beno. O hêverî tewrê xebatanê Şorişê Rojawanî beno û dima 2012 de tewrê gerîlayan beno. O nameyanê xalanê xo yê şehîdan gêno. Embazê ma prosesê perwerdeyî bi serkewtişî temam keno û tewrê xebatanê Hêzanê Taybetan beno. Embazê ma Abbas pêro erk û mesuldarîyanê xo bêkêmasî ano ca. O heta şehadetê xo têkoşîn keno û layîqê şehîdan beno.

 

 

 

 

Embaza ma Lorîne Gever de dadîya xo ra bena. A wextê hêrişanê DAÎŞî de 2014 de bi qerardarî tewra gerîlayan bena. A Herêmanê Pawitişî yê Medya de perwerde vînena û tîya de bena gerîlayêka YJA-Starî ya xurte. Embaza ma her warî de xeta azadîya cinîyan bi layîqî temsîl kena. Embaza ma bi cesaret û tewirê xo yê şerî embazanê xo rê bena nimûne û şehîd bena.

 

Embazê ma Rawan Şam de mîyanê keyeyêkê kurdî de dadîya xo ra beno. O hêverî tewrê şerê vera DAÎŞî beno, esîr keweno la dima ke xelisîyeno ancî tewrê xebatanê ciwanan beno. 2020 de zî o verê xo dano koyan.O tim xo hîna aver beno, vera kolonyalîstan beno wayîrê hêrsêkê pîlî û pêro erk û mesuldarîyanê xo ano ca. Embazê ma Rawan heta şehadetî xoverdayîşî ra fek vera nêdano.’’