HPGyî ra bîlançoya 4 mengan: 1871 îşxalkerî ameyî cezakerdene

HPGyî bîlançoya şerê çar mengan eşkera kerde. Goreyê bîlanço gerîlayan 1454 çalakîyî kerdî, 1871 îşxalkerî ceza kerdî, 6 helîkopterî û 2 tankî sere de xeylêk malzemeyê leşkerî îmha kerdî. Îşxalkeran 1532 reyî bombaya nuklere û çeka kîmyewîye şuxilnaye.

Merkezê Îrtîbatî û Çapemenîye yê bi eşkerayîyêke bîlançoya şerê mabênê 14ê nîsane-14ê tebaxe eşkera kerde.

Eşkerayîye wina ya:

''Têkoşîn û xoverdayîşê ma yê azadîye yo le 15ê Tebaxa 1984î de bi guleyê Fermandar Egîdî yê vera hişmendîya îşxalkeran dest pêkerdbi ewro pêro Kurdîstanî de ver bi serfîrazîye şino. Partîya ma PKKyo ke bi îdeolojîya Rayber Apoyo ke kurdî wele ra newe ra afernayê, rayîr a şino bi hezaran Egîdê ci şarê ma û erdê ma bi fedayîtî pawenê. Dewleta tirke ya kolonyalîste seba ke raştîya kurdan û Kurdîstanî wedarna, bi her metodî hêrişan kena. Dewleta kolonyalîste vera gerîlayanê hêvîya şarê ma 14ê nîsane de Zap, Avaşîn û Metîna de hêrişê îşxalî yê hîrayî dayî destpêkerdene.

Destpêkê nê hêrişan ra nata embazanê ma bi ruhê serfîrazî yê Egîdî, bi tewirê Bêrîtane yê vera xayînî û teslîmîyetî û bi qerardarîya fedayî ya Zîlane her cayê erdê ma vurna kerd warê xoverdayîşî. Embazanê ma rixmê şertanê zehmetan zî îdeolojîya 'çinbîyayîşî ra afernayîş' ya Rayber Apoyî esas kerde, seba ameyoxê rûmetênî yê şarê ma xeta şehîdan de xo ver da û xo resna şefeqê serfîrazîye. Gerîlayanê ke pê gonîya xo welatê ma pawit, reyna xeyalê kolonyalîstî yê dewleta tirke qirikê ci de verdayî. Gerîlayan mojna ke ê pê serkêşîya Şerê Şarî yê Şorişgêrî, pê performanê xeta serfîrazîye eşkenê estbîyayîşê şarê ma bipawê û azadîya şarê ma bîyarê ca.

Hêzanê ma taktîkê dewrê neweyî bi afernayoxî şuxilnayî, tersê şerê binê erdî û kontrolê erazî ardî ca, derbê giranî da îşxalkeran ro û pê terzê tîmanê hereketînan tarîxê şaranê bindestan de rîpelêko newe akerd. Artêşa tirke ya faşîste pê destekê NATOyî metodê tewr namerdî şuxilnayî, sûcê şerî kerdî û reyna verê îradeyê çelikinî yê gerîlayan de bin kewte.

Artêşa tirke ya kolonyalîste ya ke pê gerîlayan nêeşkaya, her roje pê bombaya nuklere û çeka kîmyewîye Waranê Xoverdayîşî dana bombayan ver. Rixmê nê hêrişan zî dewleta kolonyalîste nêeşkena netîce bigêra coka raşta raşte sivîlan kena hedef. Perexê Zaxoyî de domanî zî tede 9 sivîlî û waranê Kurdîstanî de şarê kurdî ameyî hedefkerdene. No zî rîyê raştikênî yê dewleta tirke eşkera keno û mojneno ke a tehlukeyêko senî pîl a. Bêguman nê hêrişê wehşî û tersnekî eqseyê tengîya artêşa tirke ya faşîste yê. La rixmê nê hêrişanê kîmyewîyan û hêrişanê vera sivîlan zî vera artêşa îşxalkere nêrazîbîyayîşêko qîm nêno mojnayene. Erko tarîxî yê şarê ma û dostanê ma yo ke tewir û reaksîyonê qîmî bimojnê, bi nê hawayî xoverdayîşê gerîlayan temam bikerê.

Hêzanê ma nê prosesê 4 mengan de sere de Hemleyanê Şorişgêran ê Bazanê Zagrosî û Şehîd Savaş Maraşî yê Cengê Xabûrî de xeylêk cayanê Kurdîstanî de derbê giranî dayî artêşa îşxalkere ro. Gerîlayanê Modernîteya Demokratîke reyna îsbat kerd ke pê terzê tîmanê hereketînan û şerê tunelan ê hê ver bi serfîrazîye şinê, dewletê neteweyî çend bihêz bibê zî çend destekê hegemonîkan bigêrê zî şarî pê waştişê azadîye û xopawitişî eşkenê azadîye bivisnê destî. Tîmanê ma yê hereketînan taktîkanê gerîlatîya dewrê neweyî de xo kerdî profesyonel, taktîkê sey sereştiş, xomîyanverdayîş, sabotaj, suîkast, dafike, çekanê giranan, derbkerdiş û koordînekerdişî têzereyî şuxilnayî û bi nê hawayî bi temamî 1454 çalakîyî kerdî.

Artêşa tirke ya îşxalkere ya ke sûcdara şerî ya, 1532 reyî bombaya nuklere û çeka kîmyewîye şuxilnaye û sûcê xo yê vera merdimîye zêdînayî.

Hêzanê ma her cayê erdê Kurdîstanî de xo ver da, bi hezaran operasyonê îşxalî yê vera Vakurê Kurdîstanî pûç kerdî û heman wextî de çalakîyê bitesîrî kerdî.

84 gerîlayî şehîd bîyî

Nê prosesê tarîxîyî de 84 embazanê ma bi ruhê fedayî şer kerd û ê şehîd bîyî. Ma soz danê ke erjan û tecrubeyanê artêşa şehîdan esas bigêrê, xeta şehîdan ra anêgêrê û têkoşînê xo yê azadîye û estbîyayîşî qetî bi serkewtişî tacîdar bikerê.

Bîlançoya şerê mabênê 14ê Nîsane-14ê Tebaxe wina ya:

Çalakîyê ke hetê hêzanê ma ra ameyê kerdene:

- Bi Hêzanê Pawitişê Hewayî, dafik, sereştiş, sabotaj, suîkast, çekanê giranan, derbkerdiş, operasyonê şorişgêrî û bikoordîneyî 1454 çalakîyî ameyî kerdene.

Netîceya nê çalakîyanê hêzanê ma de

- 11ê ci kontra, 9ê ci payeberzî bi temamî 1871 îşxalkerî ameyî cezakerdene.

- 261 îşxalkerî birîndar bîyî.

Qaso ke hêzanê ma tesbît kerdo sere de Warê Xoverdayîşî Herêmê Pawitişî yê Medya

- 2950 reyî bi teyarayanê şerî û 2528 reyî zî bi helîkopteranê hêrişî dîyayî bombayan ver.

-Çeper û tunelê şerî yê hêzanê ma 1532 reyî pê bombaya nuklere û çeka kîmyewîye dîyayî bombayan ver.

Çek û malzemeyê leşkerî yê ke hêzanê ma dest nayo ser:

- 8 çekê MPT-55

- Çekêka MPT-66

- 2 çekê M-16

- 4 çekê AK-47

- 2 çekê HK-416

- 3 çekê G-3

- 4 debance

- Çekêka BKC

- Çekêka bombaeştişî  ya B-7

- 3 çekê bombaeştoxî

- 4 fîşekê bombaeştoxî

- 18 bombayê destan û gelek bombayê dûyî

- 4 yelegê hêrişî (pola)

- 4 tirsî

- 2 rext

- 9 şarjor

- Kamerayêka termale

- Dûrbînêka termale

- Dûrbînêka bi lazerî

- 2 hacetê nîşankerdişî yê bi lazerî

- 2 hacetê çeka lazerî

- 7 dûrbînê şewe-roje

- 24 kîlo teqeberî

- 4 mayinî

- Hacetêkê teqnayîşê mayînî

- Dedektorêkê mayînî

- 848 fîşekê M-16 û BKC

- 3 cîhazê îrtîbatî

- 6 telefonê destan

- Cîhazêkê îşaretkerdişî

- Panelêkê roje

- Pûsûlayêk

- 4 kardî (Kasatûra)

- Çimeyêkê enerjî

- 6 çenteyê leşkerî

- 2 xeymê leşkerî

- 2 kaskî

- 8 fenerî

- 4 sîstemê kameraya mobesse

- 3 kamerayê sereyî

- 2 UPSyî

Malzeme û wesayîtê zirxînî yê ke hetê hêzanê ma ra ameyê îmhakerdene;

- 3 helîkopterê hêrişî

- 3 helîkopterê Skorskyî

- 2 tankî

- 10 wesayîtê zirxînî

- 2 kepçeyî

- 2 çekê BKC

- 5 çekê A4

- 3 cîhazê Jammerî

- 7 radarî

- 32 droneyî

- 5 kamerayê termalî

- 2 teleskopî

- 32 sîstemê kameraya mobesse

- 2 cîhazê goşdarîkerdişî

- Cîhazêkê fotografan

- Konteynirêk

- 2 hacetê mayînî

- 2 sensorê têgêrayîşî

- Kamelyayêke

- 22 xeymê leşkerî

- 63 çeperî

Wesayîtê leşkerî yê ke hêzanê ma derbe kerdê:

- 28 helîkopterê hêrişî

- 34 helîkpoterê Skorskyî

- 9 droneyî

- 3 wesayitê leşkerî yê zirxînî

- 16 çeperî

- 6 kepçeyî."