Bi serkêşîya Doktorê Vernîgirewtişê Şeranê Atomî û Komelaya Doktoran ê Wayîrê Wezîfedarîya Sosyale (IPPNW), yew heyet 31’ê Adare ra ver şi Tirkîya û Kurdistan û pêvînayîşî kerdî. Temsîlkara IPPNW’yî ya Tirkîya Dr. Gîsele Pentekere, derheqê pêvînayîşanê xo yê Tirkîya de beyanatî dayî.

Dr. Pentekere va weçînayîş hawayêko zehmet de derbaz bi û wina dewam kerd: “Ma hêvî kenê ke Serekkomar û hukmatê Tirkîya do netîceyê weçînayîşî baş biercnê û reformê ke verî amebî vindertene do newe ra dest pê bikerê.”

Dr. Pentekere waşt ke seba haştîye Kurdan de pêvînayîşî bêrê kerdene û wina va: “Tirkîya ke problemê xo yê Kurdan çareser bikero, o wext ma baş zanê ke Tirkîya do bibo welatêko modern û zafrengine. Nê problemî bi terorîstîye namekerdene, kesî rê fayde nêdano.”

Dr. Pentekere sere de Leyla Guvene, bale ante pêroyê çalakwananê grevê vêşanîye ser û hukmatê Almanya rê vengdayîşêko winasî kerd: “Hukmato Federal, seba ke prosesê dîyalogî bêro destpêkerdene, ganî şoro Tirkîya ser. Ancax bi nê qeydeyî seba grevanê vêşanîye çareserîye yena dîyene.”

Bi organîzasyonê IPPNW’yî, yew heyeto ke mabênê ci de doktor, psîkolog û aktîvîstê haştîye estbîyî şîbî Şirnex û Cizîre. Heyeto ke bi kesanê sey Dr. Gîsela Pentekere, Dr. Elke Schrage, Ernst-Ludvîg Îskenîus, Johanna Adîckes, Sîgrîd Ebrîtsch, Frîedrîch Vetter, Marît Vahjen, Sara Kokemullere amebi ronayene, şibi zîyaretê Leyla Guvene.