KCDK-E û TJK-E: Ma tewrê Kampanyaya Keyeyê Wayeûbirayî bibê

KCDK-E û TJK-E semedê tewrbîyayîş Kampanyaya Keyeyê Wayeûbirayî veng da.

KCDK-E û TJK-E eşkerayîyêka hempare weşanaye û vist vîrî ke pandemîya vîrusê Korona cuya merdiman rê gef waneno û beno semedê mergê merdiman.

Eşkerayîya KCDK-E û TJK-E wina ya: 

''Vîrusê Korona tewr zaf tesîrê xizanan, cinîyan û hewcedaran keno. Şarê ma yo ke dewleta tirke tira teda kena, heman wextî de vera vîrusê Korona têkoşîn keno. AKP xîret keno ke nê prosesî seba menfaatanê xo bixebitno.  Nê prosesê zorî de ganî ma paştî bidê şarê xo. Sere de seba Mexmûr, Şengal û Şehba ma seba pêro Kurdîstanî dest pê Kampanyaya Wayeûbirayî kenê. Kampanya do 3 mengan dewam bikera û mengane hetkarîya 100 euroyan do bêra kerdene.  Her kes goreyê hêzê xo eşkenê tewrê kampanya bibo û êyê ke wazenê eşkenê yewî ra zêdêr keyeyî de bibê wayûbira û miqatê ci bibê.

Seba ke ma şarê xo hewcedarê kesî nêkerê ma venga pêro endamanê xo, hemserekanê xo yê welatan û herêman, komunan û meclîsanê xo danê ke xo biresnê girseyêkê hîrayî û kampanya pîl bikerê. Ma venga her kesî danê ke bi hawayêkê aktîfî têbigêrê, tewrê kampanya bibê û kesan tewrê kampanya bikerê. Seba paştdayîşê Kurdîstanî ma venga welatperweran, demokratan û her kesî danê ke tewrê Kampanyaya Keyeyê Wayeûbirayî bibê.''

TJK-E û KCDK-E da zanayene ke kampanya do bi rayîrê Heyva Sor a Kurdîstanî bêra kerdene.