Osman Aytar, serra 1960î di Sêwregi (Sûki, Sêrek, Siverek) di ameyo dinya. Wendena xo ya sifteyin û miyayini Sêwregi di, lîse jî Adiyaman (Semsûr) -Besni di temam kerdo. Nê de- man di endameya Komeleya Kulturî ya Demokrat a Şoreş- ger (DDKD-Devrimci Demokrat Kültür Derneği) kerda. 1980 di ze malbat bar kerdê û şîyê Mersin. Dima Diyarbe- kir di dest bi unîversîte kerdo, labelê qandê operasyonê ci- verê DDKD mecbûr mendo ki 1982 di şiro Sûrîye. Demeyê Sûrîye di mendo û 1983 di şîyo Swêd, Stockholm di ca bîyo. Aytarî, tayn partî û organizasyonanê Kurdan di kar kerdo. 1986 di qandê karûbarê demokratîk ê Kurdî ageyrayo welat. 1990 û 1993 di, di finî ameyo tepişten û wexto 1990 di Istanbûl û Diyarbekir di îşkenceyo sîstematîk dîyo. 

Ser- ranê 1992-1993 di berpirsê giştî yê rojnameyê Medya Güneşi bîyo. Qandê di nuşteyanê xo yê ki Medya Güneşi di ameyê çapkerdeni û qisekerdişê panelênda IHD (Insan Hakları Derneği) ya Istanbûlî di 6 serrî ceza guroto û qandê nê ce- zaya jî fina mecbûr bîyo ki 1994 di ageyro Stockholm. Aytarî bahdê ki ameyo Stockholm, 1996 di Unîversîteya Stockholmî di dest bi wendena sosyolojî kerdo û 2007 di doktoraya xo temam kerda. Aytar 2013 di Universîteya Malardalenî di bîyo doçent û 2017 di jî Xelata Pedagojî ya na Unîversîta gurota. Aytar nika Universîteya Malardalenî di karê xo yo zanistey û mamosteyey dewam keno.

Aytarî, 1995-1998 di him komîteya kargêr a Komeleya Nivîskarên Kurd li Swêdê di, him jî redaksiyona kovara na komela, Çira, di kar kerdo. Aytar, înîsîyatîfgurotoxanê kombîyayişê siftî yê vernîberdena Kirdkî (Kirmanckî, Di- milkî, Zazakî) ra yew o. No kombîyayîş fina siftî 1996 di Stockholm di bi beşdareya 15 kesana amebî kerden. Kovara Vateyî jî dima kişta nê înîsîyatîfîya dest bi weşanê xo kerd.

Aytar, nika endamê Federasyonê Sosyologanê Swêdî (SSF), Sendîkaya Mamosteyanê Zanîngehan û Lêkolîneran ya Swêdi (SULF), Tora Lêkolînî ya Kurdî Swêd (KFN-S) di û Komeleya Embazeya Kurd-Swêdî (SKVF) yo. Bi seyana nuşteyê Aytarî yê ki kovar, rojname û rîperanê înternetî yê Kurdan (zey Ar- manc, Medya Guneşi, Kurdinfo, Kurdforum, Nûpel û taynê bînî) di vijyayê, bi desana kitab, nûşte û raporê zanistî yê Ay- tarî jî bi ziwanê Swêdî, Ingilîzî, Kurdî û Tirkî estê.

Aytar, zewciyaye yo, di qeçê ci estê û nika Stockholm de maneno.

Kitabê şîîranê Osman Aytarî yê Çîkê Vîstekî de pancas û hewt şîîran ca girewto. Babeta nê şîîran eşq, hesrete, birîye welat û domanîye, dej û têkoşîn o.

Kitabê Weşanbîyayî:

Bê bi seyana nûşteyê Kurdî û Tirkî yê lêkolînî, şirove û munaqeşey kovar, rojname û rêperanê înternetî yê Kurdan di (zeki mînak kovar û rojnameyê Armanc û Medya Güneşi, û rojname û rîperê internetî Kurdinfo, Kurdforum û Nûpel) û bi desan teblîxê konferans û semineran di kitab, nûşte û raporê zanistey ê Osman Aytarî est ê:

Aytar, O. (2007). Mångfaldens organisering: om integration, organisationer och interetniska relationer i Sverige. Stockholm: Sociologiska institutionen, Stockholms universitet. Doktor- savhandling.

Aytar, O. (1999). Integration i mångfald: en studie av sex in- vandrargruppers upplevda integration i Sverige. Stockholm: Jina Nu förlag.

Aytar, O. (1995). Kurdistana Bi Fifti-Fifti. Stockholm: Jina Nu förlag & Istanbul: Nujen Yayınları.

Aytar, O. (1992). Hamidiye Alaylarindan Köy Koruculuğuna. Istanbul: Medya Güneşi Yayınları.

 

Şîîranê Osman Aytarî ra çend nimûneyî:

 

TI GULAKERDENA ZERRIYA MI YA...

 

Ti gulêna boyweş 

Ti hewnêna şehane 

Ti evînêna sînornênas 

Ti hesretêna nimçemendê...

 

Heskerdena mi ya to

To ya ba zî eynî ya

Nezdîyê to ba zî eynî ya 

Bol dûrîyê to ba zî eynî ya...

 

Heskerdena mi ya to 

Tercîha mi ya xobiyayen a 

Tercîha mi ya kesbîyayen a 

Ti gulakerdena zerrîya mi ya...

Stockholm, 3.3.2017

 

XASEKEYA ŞILÊRAN...

 

Gulê şima vera cêrê

Ê ki şima nêzanê kewnê heyretan 

Vanê no çi cîyabîyayen a

Labelê rew şima hes kenê...

 

Xasekeya şima xasekeyêna weş a 

Cay kotî benê wa bibê

Rengî senî benê wa bibê

Ciyabiyayenî senî benê wa bibê...

Stockholm, 14.6.2016

 

AX VIRARDENÎ...

 

Ax vîrardenî

Ax tahmê vînînêbîyayeyî 

Ax boyê vêrînêbîyayeyî 

Ax şima hesretê ma yê 

Ci ra mirdnêbîyayeyî 

Darbeverdiyayeyî...

 

Resmêna zerdbîyaye 

Rêzêna bidestnuştê 

Şena çîkê pafîna

Dinyayê vîrardenîyan di 

Bi huwayeyê rî di

Ma bena wextê verînî...

 

Zey tersê xezalêna

Çîkêna werdî zî

Xorîyeya zerrî di

Adir finena

Parçeyanê jîyana ma

Jîyana ma...

 

Ti şirê kotî zî

Ti çi vajê zî

Ti senî bikerê zî

Vîrardenê weşî bi to ya yê

Belkî zerrîya to dê

Belki ruhê to dê...

Stockholm, 13.3. 2017

 

QEÇEKE WELATÊ ROJ Û ADIR...

 

Şima mewnê bêvengeya ma 

Şima mewnê xemgîneya ma 

Ma yewfini gama peydi berzê zî 

Ma yewfini dejeyan ra ecizyaye bê zî 

Ma pêşmergeyê doza rewa yê 

Tarîxê ma şahîdê ma yo

Erdo pîroz kefîlê ma yo

Her bincewê erdo pîroz sondê ma yo

Şingal dejê ma yo xorî yo

Kerkûk dirbeta ma ya nekewayê ya 

Dej û dirbetê ma bolî yê 

Labelê şima qet zincîberzey mekerê 

Ma tim xofê şima zalima yê 

Şima hesiranê ma ra bitersê 

Şima dejeyanê ma ra bitersê 

Şima dirbetanê ma ra bitersê 

Şima hawara ma ra bitersê 

Şima xezeba ma ra bitersê,

Ma tim zerrîkewteyê doza rewa yê 

Şima bendeyê vahozê ma bê

Ma qeçê welatê roj û adirî yê...

Stockholm, 8.2.2018