Kitabê Mujer Vida Libertad (Cinîye, Cuye, Azadîye' yo ke derheqê têgêrayîşê cinîyan ê Kurdîstanî de yo Girawa Mallorca ya Îspanya de dîya şinasnayene. Kitab hetê Enstîtuyê Jineolojî yê Andrea Wolf ra amebi amadekerdene.

Endamanê Komîeteya Jineolojî ya Katalonya mabênê 21-24ê teşrîna verêne de şaristananê Manacor, Pollenca, Alaro û Palma yê Mallorca de kombîyayîşêk kerdbi û kitab dabi şinasnayene.

Aktîvîteya daşinasnayîşî de qala fikranê Rayberê Şarê Kurdî, têkoşînê cinîyanê Kurdîstanî, Şorişê Rojawanî û Konfedaralîzmê Demokratîkî zî ameye kerdene. Aktîvîte pê coşî qedîyaye.

Şehîde Ronahî (Andrea Wolf) zî aktîvîte de ameye yadkerdene.