2ê teşrîna verêne de şaristanê Strasbourgî yê Fransa de bi şîarê 'Wext wextê azadîye yo-Azadîye do ser bikewa- Semedê Ocalanî têbigêrê' verê bînaya Konseya Ewropa de çalakîyêke do bêra kerdene. KON-MEDî çalakîye ser o eşkerayîyêke daye.

KON-MEDî eşkerayîya xo de vist vîrî ke Rayberê Şarê Kurdî Abdullah Ocalan 22 serrî yo binê tecrîdêkê giranî de yo la rixmê ney zî semedêcuya azade ya kurdan xo ver dano. KON-MEDî pare kerd ke semedo ke rêxistina Abdullah Ocalanî peynîya rejîmê AKP-MHPyî ana rejîm hêrsê xo tira û şarê kurdî ra vejeno û hêrişê erjanê kurdan keno.

KON-MEDî vat: ''Ma bêvengîya Yewîya Ewropa û dezgehanê ci ya vera sîstemê Îmraliyî qebul nêkenê. Nê esasî ser o 2ê teşrîna verêne verê Konseya Ewropa de çalakîyêke do bêra kerdene. Ma venga şarê xo yê welatperwerî û dostanê xo danê ke tewrê çalakîye bibê û azadîya Rayber Apoyî biwazê.''