Xeylî welatanê Ewropa de, Merkezê Cimatê Demokratîkî yê Kurdan (NCDK) kongreyê xo yê serre viraştî.

Stuttgart: NCDK’yî bajarê Stuttgartî yê Almanya de, kongreya xo ya 9. salona Schlossplatz Wurttembergisher Kunsttrereinî de viraşte. Sîyasetmedaro Kurd Demîr Çelîkî qisey kerd û bale ante serê xoverdayîşê grevê vêşanîye yê vera tecrîdî. Hemserekê KCDK-E'yî Yuksel Koç zî bi rayîrê telefonî beşdarê kongre bi. Peynîya kongre de seba meclîsê neweyî 41 kesî ameyî weçînayene.

Munchen: NCDK’yî Munchen de zî kongreya xo ya alelade ya 5. viraşte. Dimayê deqayêk rêzgirewtişê seba vîrardişê şehîdan, sîyasetmedar Mehmet Surmelîyî qisey kerd û vat, “Cagirewtişê meclîsan ê ke projeyê Rayberî yê, wezîfeyêko gird ê welatperwerî yo”. Sîyasetmedar Haydar Işikî zî ard ziwan, besteyîya Ocalan û fikeranê ci, meclîsan rê wayîrvejîyayîş o. Kongre bi weçînayîşê meclîsê newe yê NCDK’yî  qedîyaye.

Marignane: Meclîsê bajarê Marîgnaneyî yê Fransa zî kongreya xo ya 5. viraşte. Salona kongre de resimê Rayberê Şarê Kurdî Abdullah Ocalanî, Mehmet Tûnçî, Leyla Guvene û 14 xoverdayoxanê grevê vêşanîye yê Strasbourgî ameyî akerdene. Kongre de rewşa peyêne ya sîyasî ameye ercanyene û endamê meclîsê neweyî ameyî weçînayene.

Mantes La Jolie: NCDK’yî bajarê Mantes la Jolie yê Fransa de kongreya xo ya 6. viraşte. Kongre de seba wayîrvejîyayîşê xoverdayoxanê grevê vêşanîye vengdayîş ame kerdene. Peynîya kongre de seba meclîsê neweyî 47 kesî ameyî weçînayene.

Vîyana: Paytextê Awûstûrya Vîyana de NCDK’yî kongreya xo ya 6. viraşte. Civaka Azadî ra Xalîs Severî kongre de qisey kerd.  Xoverdayoxê grevê vêşanîye Sûltan Yîgîte û Şivan Agaoglû zî beşdarê kongre bîyî û ard ziwan, tecrîdkerdişê Ocalanî bi xurtkerdişê vengê xoverdayoxanê grevê vêşanîye yeno wedaritene. Peynîya kongre de seba meclîsê neweyî 75 ameyî weçînayene.