Solidaireso ke yewîya sendîkayanê Fransa ya semedê wedarnayîşê tecrîdê vera Rayberê Şarê Kurdî Abdullah Ocalanî Sekreterîya Pêroyî ya Konseya Ewropa ra mektûbêke şawitbî. Konseye cewabêko zelal nêda mektube.
Solidaireso ke yewîya sendîkayanê Fransa ya semedê wedarnayîşê tecrîdê vera Rayberê Şarê Kurdî Abdullah Ocalanî Sekretera Pêroyî ya Konseya Ewropa Maria Pejcinovic-Bruiç rê 6ê teşrîna verêne de mektûbêke şawitbî.
Mudirê Kabîneya Hetkarîya Sekreterîya Pêroyîye Miroslav Papayî nameyê Buriçe ser o cewab da mektube û vat: ''Seke şima zî zanenê derheqê şertanê tepiştetîye de mabênê CPT û selahîyetdaranê tirkan de dîyalogêko nimte esto. Raporê CPTyî yo ke derheqê zîyaretê 2021î de bi îşkence, binpaykerdişê heqan û ceza eşkera kerdî.
Birêz Ocalan û 5 tepişteyanê bînan ê Îmraliyî teşrîna verêne ya 2011î de derheqê astengîyanê pêvînayîşê keye û avûkatan de muracatê Mehkemeya Heqanê Merdiman ê Ewropa kerdbi. Birêz Ocalanî bi heman sebebî êlula 2018î de zî muracat kerdbi. No waştiş êlula 2019î de hukmatê Tirkîya rê dîya zanayene û mehkeme goreyê proseduran serê ney de vindena. Sekretera Pêroyî ya Konseya Ewropa qetî nêeşkena mudaxeleyê mehkemeya xosere bikera.''
Miroslavayî îfade kerd ke rewşe binê kontrolê Komîteya Wezîran a Konseya Ewropa de ya.
Sendîka waştbî ke tecrîdê vera Abdullah Ocalanî bêro wedaritene û Konseya Ewropa, Yewîya Ewropa û Mehkemeya Heqanê Merdiman a Ewropa wa Tirkîya ra semedê caardişê heqanê merdiman teda bikera.
