Paytextê Şahanşahîya Yewbîyayî Londra de dormepeweranê ke bi çalakîyanê protestoyî waştêne hukmat derheqê vurayîşê îklîmî de hîna zaf mucadele bikero, înan ra bi seyan kesî ameyî destbendkerdene.
Bi mazareto ke tewrê çalakîyanê girewtişê rayîr û binawanîyanê Londra bîyê, mîyanê şeş rojan de 750 ra vêşêr dormeperwerî ameyî destbendkerdene.
Çalakîyê protestoyî hewteyo verên hetê grûbêka bi nameyê “Extinction Rebellion” ra ameyî destpêkerdene. Çalaki bîye sebeb ke resê bajarî xeylî nuqtayan de bixetimîyo.
Aktîvîstan roja Şemeyî zî qismêkê mehlaya Oxford Circusî ya ke mehlayêka tîcarî ya bloke kerdibi.
Extinction Rebellion hukmatê Îngilîzî ra wazeno ke emîsyonê gazê sera heta serra 2025’î bifîno dereceya sifirî.
Grûba ke serê Twîtterî de peyamêk da, raste rast xitabê serekwezîre Theresa Maye kerd û vat, “Ma zanê ke şima seba îklîmî gamanê laziman nêerzenê. Şima zî zanê ke şima qaso ke lazim o nêerzenê. A game ma nika qisey bikerê.”
Polîsî ard ziwan ke çalakwanî hemverê tepiştişan de xover nêdanê, ard ziwan ke no zî terzêkê çalakîye yo. Goreyê polîsî, têgêrayîşo ke behsê ci yeno kerdene xo rê terzê “bêîtîatîya sivîle ya ke bêşidet a” esas girewto.
