Şanê Çarşemeyî grubêka çalakwan kewte bano ke studyoyê kanalanê Itv, Itn û Chanel 4’î tede estê û ard ziwan ke heta ke ê selahîyetdaran reyde pêvînayîş nêkerê banî ra nêvejîyenê teber. Çalakîye de bêvengîya çapemenîya Îngîlîzan ameye şermezarkerdene.
Wexto ke çalakîye dewam kerdêne, xeylî polîsî ameyî û çalakwanan ard ziwan ke heta ke ê mudirêkê xeberan reyde pêvînayîş nêkerê banî ra nêvejîyenê.
Seba wedaritişê tecrîdê serê Rayberê Şarê Kurdî Abdullah Ocalanî banê Rêxistina Efî yê Mîyanneteweyî yê Londra de çalakîya grevê vêşanîye amebi destpêkerdene, na çalakîye zî dewam kena. Şewe bi seyan kesî ameyî serdana çalakwanan û da zanayene ke heta ke Rêxistina Efî ya Mîyanneteweyî eşkerayîyêk nêdo ê do çalakîya xo dewam bikerê.