Paytextê Îngilîstanî Londra de 3 kesan 14’ê Adare de dest bi grevê vêşanîye kerdibi û çalakîye dewam kena. 15 kesî seba ke paştdarîye bidê çalakwananê grevê vêşanîye dest kerd bi çalakîya grevê vêşanîye ya bidore.
Alî Poyraz, Nahîde Zengîne û Mehmet Saît Yilmaz, seba ke tecrîdê serê Rayberê Şarê Kurdî Abdullah Ocalanî bêro wedaritene, 14’ê Adare de kewtî grevê vêşanîye.
Reyna Londra de, 15 Kurdistanijî seba ke paştdarîye bidê çalakwananê grevê vêşanîye kewtî grevê vêşanîye yê bidore.
Çalakîye bi beyanatê çapemenîye, Merkezê Komelî yê Demokratîkî yê Kurdan ê Londra de dest pêkerd. Çalakîye do 5 rojan de reyêk bidore bêro domnayene.
