Rêxistina Efî ya Londra de çalakîya vera tecrîdî
Londra de Kurdistanijan û dostanê înan banê Rêxistina Efî ya Mîyanneteweyîye de bi çalakîya bêîtaatîya sivîle bale ante tecrîdê serê Ocalanî û xoverdayîşê girevê vêşanîye ser.
Paytextê Îngilîstanî yê Londra de Kurdistanijan banê Rêxistina Efî ya Mîyanneteweyîye de çalakîyêk viraşte û berpirsîyaranê rêxistine ra waşt ke vera tecrîdê serê Rayberê Şarê Kurdî Abdullah Ocalanî bêvêng memanî.
Çalakwanan derheqê tecrîdê serê Rayberê Şarê Kurdî Abdullah Ocalanî û xoverdayîşê grevê vêşanîye de zanayîş da selahîyetdaran û waşt ke berpirsîyarê xo bica bîyarê û semedê caardişê waştişê xoverdayoxan o ke wedartişê tecrîdê serê Ocalanî yo, tê bigêrê. Çalakwanan ard ziwan ke heta ê şefê masaya Tirkîya de qisey mekerê do çalakîya xo rê dewam bikerê.
