Alî Poyraz, Nahîde Zengîne û Mehmet Saît Yilmaz 14’ê Adare ra nat Londra de grevê vêşanîye de yê û seba nê çalakwanan Dêrê St Johnî Vîanneyî yê Katolîke de ayîn ame viraştene.

Ayîn roja Dişeme saetanê şewdirî de  ame viraştene û Keşîş Joe Ryanî çalakwanî zî dawetê ayînî kerdî û seba çalakwanan duayî kerdî.

 “Ma Kurdan het de yê”

Bi seyan kesî beşdarê ayînî bîyî û Keşîş Joe Ryanî qiseykerdişêk kerd. Keşîşî bale ante tecrîdê sere Rayberê Şarê Kurdî Abdullah Ocalanî ser û va ganî tecrîd bêro wedaritene û talebê çalakwanan bêrê ca.

Çalakwananê grevê vêşanîye ra Alî Poyraz, Nahide Zenghîne û Mehmet Saît Yilmazî zî qiseykerdişî kerdî. Çlakwanan va heta ke tecrîd bêro şikitene, ê do çalakîyanê xo dewam bikerê.