Bajarê Lozanî yê Swîsre de Şuxulnayîşê çekanê kîmywîyan yê dewleta tirke yê vera Herêmanê Pawitişî yê Medya û tecrîdê serê Rayberê Şarê Kurdî Abdullah Ocalanî bi çalakîyêke ameyî şermezarkerdene.

Bi vengdayîşê Rêxistinanê Ciwanan ê Kurdan ê Ewropa  TCŞ û TekoJIN kurdîstanijî û dostê înan verê Derê St. Laurentî ameyî têhet. Çalakwananê ke Posterê Abdullah Ocalanî û beyraqê PKKyî kiriştî seba ke bale biancê çekanê kîmyewîyan ser onlîkê sipîyî kerdî piray. Çalakîye de bale ameye antene hêrişê qirkerdişî yê dewleta tirke yê vera kurdan ser û nê ameyî vatene: ''Dewleta tirke Kurdîstan de çekanê kîmyewîyan şuxulnena. Welatê NATO û Ewropa zî bi bêvengîya xo hemkarê nê sûcî yê. Ma do pê têkoşînê topyekunî wayîrê Rayberê xo û têkoşînê gerîlayan vejîyê.'' Aktîvîstan derheqê çekanê kîmyewîyan de vilawekî vila kerdî

Hetê bînra bajarê Limasolî yê Qibrisî de vera hêrişanê îşxalî û şuxulnayîşê çekanê kîmyewîyan ê dewleta tirke serkêşîya Înîsîyatîfê Cinîyan ê Kurdan de  kampanyaya îmzayan dîyaye destpêkerdene.