Vizêr şaristanê Lyonî yê Fransa de komêka AKP-MHPyî ya nîjadpereste hêrişê weçînitoxanê Partîya Çep a Keske hêriş kerd. Hêriş de 4 kurdî birîndar bîyî. Tirkêko ke tekerlek teqna ame destbendkerdene.

Rejîmê AKP-MHPyî asayîşê sindoqan vistbi tehlîke û sindoqê weçînayîşan herêmanê DÎTÎBî de cakerdbî.

4 kurdê birîndarî wedarîyayî servîsê lezabezî û derheqê hêrişî de gerre ame kerdene. Mudirîya Asayîşê Umûmîye şîdetî ra tehqîqat da destpêkerdene.

3yê nîsana 2021î de zî komêka maskerde hêrişê komeleya kurdan kerdbi. 

Konseya Kurdan a Demokratîke ya Fransa (CDK-F) bi eşkerayîyêka nuştekîye da zanayene ke hêrişo vizêrîn hetê koma nîjadpereste ya bi nameye ''Bozkurtlar'' ameyo kerdene. CDK-Fyî vat: ''Ma şermezar kenê ke lokalanê DÎTÎBî de sindoqî ronîyayê. No kerdiş asayîşê sindoqan visneno binê tehluke. Ma venga selahîyetdar û meqamanê Fransa danê ke vera nê hêrişan kurdan bipawê. Eke rejîmê Erdoganî nê weçînayîşan de bin bikewo Fransa de komeleyê ma do bibê hedefê înan. Wa selahîyetdarî vera hêrişanê muxtemelan tedbîran bigêrê.''