Vera Komployê Mîyanneteweyî 17ê sibata 1999î de verê Sersefîrîya Îsraîlî ya Berlinî de çalakîya protestoyî amebî kerdene û na çalakîye de 4 kurdî Alp, Mustafa Kurt, Ahmet Acar û Sînan Karakuş ameybî qetilkerdene. Îsmaîl Parmaksizo ke beşdarê a çalakîye bibi ANFyî rê qisey kerd.

Parmaksizî ard ziwan ke çalakîya înan çalakîyêka demokratîke bîye û vat: ''Mesuldaranê komployî Amerîka, Îsraîl û Tirkîya seba ke verê înan nêrazîbîyayîş nêro mojnayene xîret kerd. Ma seba ke vera neheqî û dişmenîya înan nêrazîbîyayîşê xo bimojnê şîbî verê Sersefîrîya Îsraîlî. Embazê ma yê ke ameybî qetilkerdene peyê xo ra ameybî pirodayene. Înan pê çekanê makîneyan hêrişê ma kerd. Xeylêk embazê ma zî birîndar bibî. Kesî hêrişê sersefîrîye nêkerdbi. Çalakîya ma zaf normal bîye. Kesê ke çeke anta ma ser erşawîyayê Îsraîlî. La ma mesele ra fek vera nêda. Dima Almanya û Îsraîlî qirkerdiş mîyan kerd.

Embazê ma yê ameybî qetilkerdene çar hebî zî zaf aktîf bîyî tewrê çalakîyan bîyêne. Ma do qetî nînan xo vîr a mekerê. Embaze Sema ciwan bîye, embaz Ahmer, Mustafa û Sînan meseleya kurdan de zaf aktîf bîyî. Ê hêrişî pê gonîye tewirê ma yo demokratîk serqut kerd. Verê çimanê pêro dinya de vera ma qirkerdiş ame kerdene. Ma do qetî nê qirkerdişî qebul nêkerê û qebul nêkerê ke Îsraîlî hesab nêdayo. Şarê kurdî wa pê nê çar embazan sereberz bibo.''