Çarçewa Hemleya ''Abdullah Ocalanî rê Azadîye, Meseleya Kurdan rê Çareserîya Sîyasîye'' de serkêşîya Meclîsê Cinîyan ê Arîne Mîrkan de, şaristanê Marsilya yê Fransa de çalakîya standî ameye kerdene.

Çalakîye de vilawekî ameyî vilakerdene û bale ameye antene tecrîdê Îmraliyî ser.  

Vervatoxa Meclîsê Cinîyan ê Arîne Mîrkan Aysele Bîngol stand de wina vat: ''Rayberê ma 25 serrî yo tepişte yo û hîrê serrî yo tira xeberêke nêna girewtene. Çarçewa kampanya de ma hedef kenê ke 2,500 kartî bişawê Îmraliyî.''

Endama Meclîsê Arîne Mîrkan Mukaddese Polat vat: ''Ma no stand seba azadîya Rayberê xo akerd. Eleqeyê şarê Fransa zaf o. Ma şarî rê qala rewşa Rayberê xo kenê. Heta ke Rayberê xo ra xeberêke bigêrê çalakîyê ma do dewam bikerê.''