Şaristanê Marsilya yê Fransa de rayberîya Têgêrayîşê Ciwanan ê Şorişgêran (TCŞ) û Cinîyan ê Ciwanan ê Têkoşeran (TÊKO-JIN) de bi beşdarîya 200 ciwanan semedê vîrardişê şehîd Baran Mawayî şayîyêke ameye kerdene.

Şayîye Merkezê Komelê Demokratîkî yê Kurdan ê Marsilya de vizêr ame kerdene. Verî derheqê têkoşînê Şehîd Mawayî de sînevîzyonêk ame mojnayene dima zî Koma Çar Sînor, Farqîn Azad û Hozan Menal vejîyayî sehne ser.

Ciwanan pîya deyîrî vatî, govende girewte û sloganê sey 'Biciwîyo Serek Apo', 'Biciwîyo xoverdayîşê gerîlayan' vatî.

Şayîye de venga ciwanan ame dayene ke tewrê Hemleya 'Werin Cenga Azadîyê' bibê.