Bajarê Marsilya yê Fransa de seba ke PKK lîsteya terorî ra bêro vetene çalakîya xeyme ya semedê yew hewteyî dîyaye destpêkerdene. Vizêr roja dîyêne ya çalakîye de xeylêk îmzayî ameyî arêdayene.

Çalakîya ke serkêşîya Merkezê Komelê Demokratîkî yê Kurdan de yena kerdene de seba ke PKK lîsteya terorî bêro vetene îmzayî yenê arêdayene û derheqê babete de zanayîş yeno dayene. Çalakîya ke her roje mabênê saetanê 11:00 û 17:00 de yena kerdene do roja şemeyî bi rayraşîyayîşî biqedîyo. Çalakîye de kitab û broşurê Rayberê Şarê Kurdî Abdullah Ocalanî zî ameyî vilakerdene. Xeyma ke sero pankarta ''PKK têgêrayîşê azadîye yo, terorîst nîyo'' aliqnaye yo zaf eleqe vînena.