Ewropa de çalakîyê protestokerdişê tecrîdî û paştdayîşê grevê vêşanîye dewam kenî. Vizêr bajaranê Marsîlya û Bordeauxî yê Fransa de Kurdistanijî û dostê înan reyna kuçeyan de bî.

Marsîlya de bi tewrbîyayîşê seyan kesan çalakîya paştayîşê grevê vêşanîye ameye viraştene. Çalakî de sîyasetmedaro Kurd Mehmet Kayayî qisey kerd. Kayayî vera tecrîdê serê Ocalanî hêrsê xo ard ziwan û va: ‘‘Ocalan semedê merdimîye nameyê xoverdayîşî yo. Ewro ganî şarê Ewropa zî no xoverdayîş rê wayîr bivejîyo. Ganî YE, PE û CPT perbirsîyarîya xo bica bîyarê û vera tecrîdî tê bigêrê.‘‘

Bajarê Bordeauxî de zî Kurdistanijan û dostanê înan semedê protestokerdişê tecrîdê serê Ocalanî û paştdayîşê grevê vêşanîye rayraşîyayîşêk viraşt. Çalakî de bi sloganan bêvengîya Ewropa ameye şermezarkerdene û derheqê tecrîd û girevê vêşanîye de xeylî vilawekî ameyî vilakerdene.